Нұрсұлтан Назарбаев Оңтүстік Қазақстан облысының даму қарқынына оң баға берді

Жұмыс сапарымен Оңтүстік Қазақстан облысына атбасын тіреген президент Нұрсұлтан Назарбаев өңірдің даму қарқынына оң баға берді.


           «Облыста мемлекеттік бағдарламаларды, соның ішінде, индустриалды-инновациялық даму, білім беру, баспанамен және жұмыспен қамту бағдарламаларын жүзеге асыру бағытында тәп-тәуір жұмыс жүргізіліп жатыр деп есептеймін», — деді Н.Назарбаев, деп хабарлайды мемлекет басшысының баспасөз қызметі.
           «Облыста әр жыл сайын отыздан астам білім нысаны салынады. Денсаулық сақтау нысандары іске қосылды, бұл өңір тұрғындарының денсаулығына жақсы ықпал етпек. Сонымен қатар, халқымыздың тарихи және мәдени ескерткіштерінің басым бөлігі осы облыс аумағында орналасқан», — деді президент.
           Сапар барысында Елбасы облыста жүзеге асырылып жатқан индустриалды-инновациялық және көлік-логистика жобаларымен танысты.