Оңтүстік Қазақстан облысында жеке меншік қоймалар аумағында өрт шығып, шығын көлемі 30 млн. теңгеге жетті

15-шілдеде Шымкентте жеке меншік қоймалар аумағында өртке қарсы қауіпсіздік ережелерін бұзу салдарынан дәнекерлеу жұмыстары барысында өрт шықты,- деп хабарлайды ҚР төтенше жағдайлар жөніндегі Агенттігінің баспасөз қызметінен.

Агенттік мәліметі бойынша, барлығы 300 шаршы метр алқап отқа оранған.

Өртке қарсы күрес қызметінің гарнизоны келгеннен 4 сағаттан кейін тілсіз жау әзер ауыздықталды. Өрт сөндіру жұмысына гарнизон құрамының 35 адамы мен 15 техникасы жұмылдырылды. Өрт салдарынан келген материалдық шығын 30 млн. теңгені құрады.