Пәкістанда жарылыс салдарынан он шақты адам мерт болды

Дүйсенбі күні Пәкістанның Равалпинди қаласында жарылыс болып кем дегенде он адам қаза тапты. Жанкешті террорист тарапынан іске қосылған жарылғыш зат тағы жиырма шақты адамды жарақаттаған.

Жергілікті бұқаралық ақпарат құралдарының хабарлауынша, жарылыс қаладағы орталық базарда болған.

Жарақат алғандардың арасында бір бала мен бірнеше оқушы да бар.

Әзірге теракт үшін жауапкершілікті ешкім өз мойнына ала қойған жоқ.