Сөйтіп, заң қабылданды деп танылып, президенттің қол қоюына ұсынылды.
Бұдан бұрын да хабарлағанымыздай, сенаттың әлеуметтік-мәдени дамуы жөніндегі комитетінің қорытындысында атап өтілгендей, сенат депутаттары заң жобасын жеңілдіктерді, өтемақыны , бір жолғы жәрдем ақыны тек оралманның өзіне ғана емес, оның отбасы мүшелеріне де төлеуді қарастыратын нормалармен толықтыру қажеттігін ұсынған.
Сонымен қатар, қорытындыда «концепциялық сипаттағы түзетулер мен қосымша бюджеттік қаржы бөлуді талап ететін түзетулерге Қазақстан Республикасы үкіметінің оң қорытындысы алынған» деп атап көрсетілген.
Бұдан бұрын да хабарлағанымыздай, заң жобасында оралмандарды бейімдеу және интеграциялау орталықтарын құру, оралмандарды эмиграциялық квотаға үкімет айқындайтын критерийлер мен тәртіпке сәйкес енгізу жайы қарастырылған.
2007-2009-жылдарда бейімдеу орталықтарын құруға бюджеттен 633,1 млн теңге бөлінбек. 2007-жылғы бюджетте тиісті қаржы көзделінген.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті