Аталмыш құжатқа сәйкес заңдастыру шараларын жүргізу мерзімі 2007 жылдың 1-тамызына дейін, ал заңдастырылған мүлік құқығын рәсімдеу мерзімі — 2007 жылдың 1-қарашасына дейін ұзартылады.
Заң мемлекет басшасына қол қоюға жіберілді.
Естеріңізге сала кетейік, «Мүлікті заңдастыруға байланысты рақымшылық жасау туралы» заң 2006 жылдың шілде айынан бері қолданыста. Бастапқыда аталмыш іс-шара 2007 жылдың 1-қаңтарына дейін созылады деп жобаланған болатын. Дегенмен, мемлекет басшысының тапсырмасымен заңға түзетулер енгізіліп, іс-шара 2007 жылдың 1-сәуіріне дейін ұзартылған.
2007 жылдың 6-наурызындағы жағдаймен республикада заңдастырылған мүліктің жалпы бағасы 193,6 млрд теңгені, немесе 1,55 млрд АҚШ долларын құраған. 918 494 жылжымайтын мүлік нысандары заңдастырылған, олардың 780 735 — тұрғын үй, 209 759 нысан — тұрғын үйге жатпайтын ғимараттар.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті