Павлодар іргесінде скауттардың шатырлы лагері құрылады

Павлодардан 35 шақырым жерде, жасыл желекке оранған аумақта 11 шілде күні скауттар лагері ашылмақ. Бұл туралы Қазақстандық скауттар қозғалысы ұйымынан хабарлады.

Бұл лагерьге «Адам құқығы: теңдік және кемсітпеушілік» республикалық фото және суреттер конкурсының жеңімпаздары жиналады. Олар үшін мұнда семинарлар мен тренингтер өтеді. Оқушылар 7 күнге созылатын семинар-тренингтердің барысында өз құқықтары мен білімдерін толықтырады. Лагерь жұмысының ақырғы күні скауттар мүмкіндіктері шектеулі балаларға арналған Павлодар оңалту орталығында «Балалар - балаларға» акциясын өткізеді, балалар шығармашылығының көрмесін ұйымдастырады.

Әріптестер жаңалығы

Пікір қалдырыңыз