Жарияланды: 430

Павлодарда Ресей президентін сайлауға арналған учаске ашылады

Павлодарда Ресей Федерациясының президентін сайлауға арналған №5120 сайлау учаскесі ашылады. Бұл туралы KZ-today тілшісіне Астанадағы РФ елшілігінің консулдық бөлімінің меңгерушісі, кеңесші Дмитрий Игнатьев хабарлады.

Қазақстанда тұратын Ресей азаматтары 14-наурызда таңертеңгі сағат 8 бен кешкі 20 аралығында Павлодардағы сайлау учаскесіне келіп дауыс бере алады. Сондай-ақ, бұл сайлау учаскесінде Ресейде тұратын, бірақ сайлау кезінде Қазақстанда болатын азаматтар да дауыс беруге құқылы. "2003-жылғы желтоқсан айында өткен Мемлекеттік Дума сайлауында Павлодарда 703 сайлаушы дауыс берді. Бұл Алматыдағы көрсеткіштен де жоғары",- дейді Д.Игнатьев. Бейресми мәліметтерге сәйкес, Павлодар облысында 3 мыңдай Ресей азаматы тұрады, ал жалпы алғанда, Қазақстанды 300 мың Ресей азаматы мекенденеді. Тұтастай алғанда, елімізде РФ президентін сайлауға арналған 10 сайлау учаскесі жұмыс істейтін болады.

Пікір қалдырыңыз

Пікір қалдыру тіркелген пайдаланушылар ғана мүмкін