Петропавл әуежайы мемлекет меншігіне қайтарылды

Көліктік прокуратура мен Солтүстік қазақстан облысы әкімдігі «Петропавл халықаралық әуежайы» АҚ-ның жеке тұлғаларда жүрген 60 пайыз акциясын мемлекет меншігіне қайтару бағытында бірқатар жұмыстар атқарды.

Прокуратураның хабарлауынша, Алматы қалалық сотының аппеляциялық сот алқасы биылғы жылдың қыркүйегінде СҚО Қаржы басқармасының әуежай акциясының 60 пайызын мемлекет меншігіне қайтарып алу туралы шағымын қанағаттандырған болатын.

«5-қарашада «Құнды қағаздарды тіркеу жүйесі» АҚ сот шешімін толығымен орындады. «Altyn Estate» ЖШС есеп-шотынан құны 22 млн теңгені құрайтын 22 мың дана акция әуежай шотына аударылды», делінген хабарламада.