«Ыдыраған Кеңес одағының орнында пайда болған, яғни, посткеңестік деп аталатын мемлекеттердің экономикалық, әлеуметтік, саяси дамуының сараптамасы біздің елдеріміздің көшпелі кезеңді аяқтағанын көрсетіп отыр», — деді ол.
Д.Назарбаеваның атап өтуінше, бүгінгі таңда еуразиялық кеңістіктегі елдердің даму қарқынының алуандығы мәселесі өткір көтеріліп отыр. «Ал дамудың синхрондылығы біздің елдеріміз таяу онжылдық ішінде шешуі қажетті маңызды проблемалардың бірі», — деді Мәжіліс вице-спикері.
Сонымен қатар ол өз сөзінде екі күндік форум аясында ұйымдастырылатын отырыстарға жеке-жеке тоқталып, қандай мәселелер көтерілетіндігін тарқата айтып берді.