Алдымен бюджеттен бөлінген миллиардтардың игерілмеуіне байланысты жиі дауға қалып жүрген Қаржы министрі қызметінен алынды. 6 жыл есеп-қисапқа жауапты болған Болат Жәмішевке лезде жаңа портфель табыла кетті. Енді ол бүгіннен бастап Өңірлік даму министрі. Бұл жаңадан құрылған ведомстваны облыстық әкімдіктердің жұмысын үйлестіре алмай отыр деп жақында Елбасы қатал сынаған еді. Жәмішевтың орнына президент әкімшілігі жетекшісінің орынбасары болған Бақыт Сұлтанов тағайындалды. Ал өңірлік даму министрлігін басқарып және премьердің орынбасарлығын қатар алып жүрген Бақытжан Сағынтаевтың лауазымы өсті. Енді ол бірінші вице-премьер. Есілдің сол жағалауында тағы бірнеше кадрлық өзгерістер күтіліп отыр.