Ақмола облысының полицейлері психиатрлық ауруханадан қашып кеткен Александра Паленис есімді науқастың қайда екенін анықтады. 28 жастағы ер адам Астанадан табылып, қазіргі уақытта Зеренді ауданы Алексеев ауылындағы психиатрлық ауруханаға жеткізілді, - деп хабарлайды Tengrinews.kz тілшісі Ақмола облыстық ІІД баспасөз қызметіне сілтеме жасап.
Айта кетейік, полиция қызметкерлері із-түссіз жоғалып кеткен науқастың Астанада тұратын туыстарымен байланысқа шыққан болатын. Астанаға, Қостанайға және Петропавловскке бағыт алған барлық автокөлік тексерілді. Іздестіру жұмыстарына аудандық ІІБ, Ақмола облысының ІІБ, қоғам мүшелері мен көрші ІІД өкілдеріне де бағыттама берілген.