Қаржы министрлігі зейнетақы қорларының кірісін арттыруға бірқатар шаралар қолданбақшы

Министрдің түсініктемесіне жүгінсек, "әлемдік валюта нарығында қалыптасып отырған қазіргі ахуал зейнетақы қорларындағы валюталық тәуекелділікті азайтуға және олардың кірістілік деңгейін арттыруға шаралар қолдануды талап етеді. Бұл мақсат, министрдің айтуынша, үкіметтік берешек құрылымындағы сыртқы қарыз көлемін тұрақты қысқарту, сондай-ақ, бюджет тапшылығын қаржыландырудың жалпы құрылымындағы сыртқы несие үлесін жыл сайын азайту арқылы шешіледі. Е.Досаевтың атап көрсетуінше, 2003-жылы "корпоративтік бағалы қағаздар рыногі үшін бағыт-бағдар қалыптастыру үшін соңғы 6 жылда алғаш рет мемлекеттік бағалы қағаздарды 8-10 жылдық ұзақ мерзіммен 6,4 проценттен аспайтын кірістілік ставкасымен саудаға шығару шарасы жүзеге асырылды".