Ауыл шаруашылығына қаржылық қолдау көрсету қоры ("ҚазАгро" ұлттық холдингі құрылымындағы компания) мақта өсіруші ауыл шаруашылығын өндірушілерге несиеге 650 млн теңге береді.
Несие қаржы көктемгі егіс және жинау жұмыстарын жүргізу үшін көзделген, деп хабарлады "ҚазАгроның" баспасөз қызметінен.
Ауыл шаруашылығына қаржылық қолдау көрсету қоры несие линиясын ашу туралы микронесиелік "Ырыс" ұйымымен арада келісімшарт жасасты.
"Ырыстың" несиелік комитеті 650 млн теңгеге 1 мың 133 өтінішті мақұлдады. Қор берген несие көмегімен оңтүстік -қазақстандық мақташылар 12,7 мың гектарға мақта екті. Несиелік линияны қыркүйек айының соңына дейін толық игеру көзделген, делінген хабарламада.
Мақта өсірушілерге несие жылдық 8 пайызбен беріледі, жылдық тиімді мөлшерлемесі 9,6%, мерзімі 8 ай.
Республикада мақта шикізаты тек Оңтүстік Қазақстан облысында ғана өсіріледі. Аймақтың ауыл шаруашылығы өндірісінің жалпы көлемінде мақта шамамен 40 пайызды құрап отыр.
- $ 469.59
- € 536.22
Алматы
- РУС
- ҚАЗ
2026 Жыл
22 Шiлде
