Жарияланды: 520

Қазақстан 2003-жылы Дүниежүзілік денсаулық сақтау ұйымының толыққанды мүшесіне айналды - ҚР денсаулық сақтау министрі

"2003-жылдан бастап еліміз Дүниежүзілік денсаулық сақтау ұйымының толыққанды мүшесіне айналды. Ұйым Қазақстанның берешектерді өтеу мерзімін кейіндетті". Бұл туралы бүгін, 23-қазанда Қазақстан терапевтерінің 6-құрылтайының ашылуынан кейін өткізілген қысқаша баспасөз мәслихатында ҚР денсаулық сақтау министрі Жақсылық Досқалиев осындай мәлімдеме жасады,- деп хабарлайды KZ-today тілшісі.

Ж.Досқалиевтің айтуынша, Дүниежүзілік денсаулық сақтау ұйымының алдындағы 5 млн. доллар көлеміндегі берешекті Қазақстан 10 жыл ішінде өтеп бітіреді. Сондай-ақ, министр еліміз Дүниежүзілік денсаулық сақтау ұйымының іс-қызметіне белсене араласуды жоспарлап отырғанын хабарлады. "Біз тек отандық медицинаны ғана емес, сонымен бірге әлемдік медицинаны жаңалау жұмысына да атсалысатын боламыз",- деді Ж.Досқалиев. Оның айтуынша, "Қазақстанда алдағы жылдан бастап телемедицина жүйесі қолданысқа енгізіледі. Демек, ауру диагнозы қашықтан қойылып, жоғары технологиялық озық әдістерге еліміз азаматтары кең көлемде қол жеткізетін болады". "Біз еліміз азаматтарына мейлінше сапалы қызмет көрсетуге талпынуымыз қажет. Өйткені, сандық көрсеткіш ахуалды өзгерте алмайды",- деді министр.

Пікір қалдырыңыз

Пікір қалдыру тіркелген пайдаланушылар ғана мүмкін