Қазақстан 2017 жылы ЭКСПО халықаралық көрмесін Астанада өткізуге өтініш береді

Парижде Халықаралық көрмелер бюросының бас пәтерінде Қазақстан Сыртқы істер министрлігінің Жауапты хатшысы, Астана кандидатурасын ілгерілету жөніндегі Ұлттық үйлестіруші Рәпіл Жошыбаев 2017 жылы ЭКСПО халықаралық мамандандырылған көрмесін Қазақстан елордасында өткізуге өтініш тапсырады.

Бұл туралы бүгін Астанада ҚР Сыртқы істер министрлігінің ресми өкілі Асқар Әбдірахманов мәлім етті. Сондай-ақ, ресми өкілдің айтуынша, 14 маусым күні 150-ден астам мүше-мемлекеттердің өкілдері қатысатын Халықаралық көрмелер бюросының Бас ассамблеясының 149-сессиясында Астана кандидатурасының ресми тұсаукесері өтеді. А. Әбдірахмановтың атап көрсеткеніндей, ЭКСПО көрмесіне Астана ұсынып отырған тақырып «Келешек қуаты» деп аталады.

Әріптестер жаңалығы

Пікір қалдырыңыз