«Біз ғылыми-инновациялық салада жарып алға шығуға тиіспіз. Еуразиялық кеңістікте осы саладағы көшбасшылардың бірі болуымыз қажет»,- деді президент.
«Біз қазір Қазақстанда әлемдік жетекші елдер жақындап қалған экономикалық модельді құруға тиіспіз»,- деп атап көрсетті Н. Назарбаев. «Сондықтан да күн тәртібінде елімізді «білім экономикасына» көшіру мәселесі тұр»,- деп қосты ол. «Қазақстан үшін бұл «мемлекеттердің ұлы көшінің шаңын қауып артында қалмаудың жалғыз жолы»,- деп санайды президент.
«Біздің алға қойған асқаралы мақсатымызға заманауи ғылымды дамытпайынша, ғылыми зерттеулердің қуатты базасын құрмайынша, заманауи технологиялар мен инновацияларсыз қол жеткізу мүмкін емес»,- деп атап өтті мемлекет басшысы.