«Біздің кейбір зиялылар орыс тілінің осылайша қолданыста жүргенін сынайды. Ал менің пікірімше , қазақтардың орыс тілін жетік меңгергендігі , тіпті кейбір орыстардан да жақсы білетіндігі үлкен игілік»,-деді Елбасы қазақстандық жас ғалымдармен кездесуі барысында.
«Адам қаншалықты көп тіл білсе, соншалықты мәдениетті болады. Ал қазақтарға білім орыс тілі арқылы келмесе қайдан келді»,-деп атап өтті ол.
«Мен мұны көрші елді мадақтау үшін айтып отырғаным жоқ, бұл шынайы шындық, онымен санасу керек»,-деп мәлімдеді Н.Назарбаев.
«Біз стратегиялық серіктеспіз. Қазақстанның Ресей үшін де солай екеніне үміттенемін»,-деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті