«Қазақстан Республикасының президенті Нұрсұлтан Назарбаевтың тапсырмасы бойынша, Тәжікстан Республикасында болған ауыр экономикалық және әлеуметтік жағдайды ескере отырып, Қазақстан Республикасының премьер-министрі Кәрім Мәсімов «Тәжікстан Республикасына ресми гуманитарлық көмек көрсету туралы» ҚР үкіметінің қаулысына қол қойды»,- делінген баспасөз хабарламасында.
Қаулыға сәйкес, Тәжікстанға гуманитарлық көмек көрсету барысында ҚР Ауыл шаруашылығы министрлігі арқылы өткізілетін мемлекеттік астық қорынан бір мың тонна азық-түліктік бидай бөлінді.
ҚР Энергетика және минералдық ресурстар министрлігі арқылы 500 тонна дизель отыны мен 500 тонна жағатын мазут жіберілді.
ҚР Төтенше жағдайлар министрлігі арқылы 66 млн. теңгеден астам тауарлық-материалдық (азық-түлік және жылы киім-кешек) құндылықтағы гуманитарлық көмек берілді.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті