Жарияланды: 400

Қазақстан үкіметі тұрғын үй бағдарламасын жасауда, нәтижесінде 1 шаршы метр үй алаңының бағасы 300-350 доллар аралығында қалыптасады - ҚР үкімет басшысы

Қазақстан үкіметі қазір тұрғын үй бағдарламасын жасап жатыр. Нәтижесінде 1 шаршы метр үй алаңының бағасы 300-350 доллар аралығында қалыптасып, несие беру мерзімі 20 жылға дейін ұзартылады. Ал несиелердің проценттік сыйақысы 7-10 процентке дейін төмендейді. Бұл туралы бүгін, 5-ақпанда Астанада өткен баспасөз мәслихатында ҚР үкімет басшысы Даниал Ахметов мәлімдеді ,- деп хабарлайды KZ-today тілшісі.

Д.Ахметов үкімет қазақстандық жастарды арзан тұрғын үймен қамтамасыз ету жөніндегі мемлекет басшысының тапсырмасын орындауға талпынып отырғанын еске салды. Бірақ үкімет басшысы бағдарлама дәл қашан бекітілетіні және қай кезеңнен бастап жүзеге асырылатыны туралы нақты мәлімет берген жоқ. Дегенмен , оның айтуынша, бағдарлама қабылдану нәтижесінде ипотекалық несиеге тұрғын үй алған жағдайда бастапқы жарна мөлшері қазіргідей 50-70 процент емес, әлдеқайда төмен болмақ.

Пікір қалдырыңыз

Пікір қалдыру тіркелген пайдаланушылар ғана мүмкін