Жарияланды: 30

Қазақстанда балаларға шекарадан шығу үшін жеке төлқұжаттар жасалатын болды

Қазақстанда балаларға шекарадан шығу үшін жеке төлқұжаттар жасалатын болды

ҚР ІІМ Қазақстан азаматтары өзге елдердің шекарасынан өтуін жеңілдету мақсатында заңға өзгертулер енгізеді. Өзгерістерге сәйкес, шекарадан өту үшін ата-аналардың төлқұжаттарына 16 жасқа дейінгі балалардың суреттерін жабыстыруды алып тастау қарастырылады.

«Тұлғаны куәландыратын құжаттар жөнінде» ҚР Заңына сәйкес, Қазақстан Республикасы азаматының төлқұжатына ата-аналарымен бірге шетелге шыққан 16 жасқа дейінгі балалардың суретімен бірге олар туралы жазба енгізілуі мүмкін, деп хабарлайды ҚазАқпарат тілшісі ведомствоның баспасөз қызметіне сілтеме жасап.

Әлемдегі лаңкестік пен экстремизм қаупінің күшеюіне байланысты, көптеген елдер шекараларынан өткізу тәртібін қатайтуға мәжбүр болды.

Мемлекеттің шекарасынан өту үшін ата-анасымен бірге елден сыртқа шығатын 16 жасқа дейінгі балалардан Қазақстан Республикасының азаматы (мысалы, Шенген аймағындағы Еуропа елдері, АҚШ, БАӘ және т.б.)  екенін  растайтын құжаттың болуын міндетті талап ретінде қарастыратын елдердің саны артуда.

Сондықтан, ҚР ІІМ  Қазақстанның азаматтарына өзге елдердің шекараларын оңайлықпен өтуге мүмкіндік жасау үшін ата-аналардың төлқұжаттарына 16 жасқа дейінгі балалардың суреттерін жабыстыруға тыйым салуды қарастыратын заңға өзгеріс енгізеді. Сәйкесінше, балаларға елдің шекарасынан өту үшін жеке төлқұжат жасалуы керек.

Жаңа өзгертулер 2019 жылғы 1 қаңтардан бастап күшіне енеді.


 

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть