Жаңа тізімде 19 мереке бар, деп жазады Caravan.kz медиа-порталы.
- Кеңес әскерлерінің шектеулі контингентінің Ауғанстаннан шығарылған күні – 15 ақпан
- Алғыс айту күні – 1 наурыз
- Аналар күні – мамырдың екінші жексенбісі
- Саяси қуғын-сүргін және ашаршылық құрбандарын еске алу күні – 31 мамыр
- ҚР Мемлекеттік рәміздері күні – 4 маусым
- Әкелер күні – маусымның үшінші жексенбісі
- Ұлттық домбыра күні – шілденің бірінші жексенбісі
- Абай күні – 10 тамыз
- Спорт күні – тамыз айының үшінші жексенбісі
- Семей ядролық полигонының жабылған күні – 29 тамыз
- Білім күні – 1 қыркүйек
- Отбасы күні – қыркүйектің екінші жексенбісі
- 5 қыркүйек – Қазақстан халқының тілдері күні
- Еңбек күні – қыркүйектің соңғы жексенбісі
- Қарттар күні – 1 қазан
- Нан күні – 16 қазан
- Энергияны үнемдеу күні – 11 қараша
- Ұлттық валюта күні – 15 қараша
- ҚР – 1 желтоқсан
Айта кетейік, 2023 жылғы сәуірде «Мерекелер туралы» заңға түзету енгізіліп, оған сәйкес мереке күндерінің тізбесін белгілеу өкілеттігі үкіметке жүктелді. Ал кәсіби мерекелердің тізбесін бекіту функциялары Еңбек және халықты әлеуметтік қорғау министрлігіне берілді. Сондықтан қабылданған түзетулермен барлық кәсіби мереке бұрын қолданыста болған мерекелер тізімінен алынып тасталды.
«Мерекелер туралы» Заңда ұлттық және мемлекеттік мерекелердің тізімі бар. Сонымен Ұлттық мереке – 25 қазанда тойланатын Республика күні.
Мемлекеттік мерекелер:
- Жаңа жыл – 1-2 қаңтар;
- Халықаралық әйелдер күні – 8 наурыз;
- Наурыз мейрамы – 21-23 наурыз;
- Қазақстан халқының бірлігі мерекесі – 1 мамыр;
- Отан қорғаушылар күні – 7 мамыр;
- Жеңіс күні – 9 мамыр;
- Астана күні – 6 шілде;
- ҚР Конституциясы күні – 30 тамыз;
- Тәуелсіздік күні – 16 желтоқсан.
Қазақстанда ұлттық және мемлекеттік мерекелер тойланатын күндер мереке күндері болып танылады және жұмыс күні болып есептелмейді.
Өз кезегінде кәсіби және басқа мерекелер мереке күндері болып табылады, ал егер олар жұмыс күніне сәйкес келсе, жұмыс күні болып есептеледі.
Қаулы 2 тамызда күшіне енеді.
