Ал мемлекеттік қабылдау комиссиялары таратылады, деп бірінші вице-премьер Бақытжан Сағынтаев мәлім етті.
«Салынған нысандарды қабылдап алатын мемлекеттік комиссиялар таратылады. 2015 жылдың шілдесінен бастап олар атқаратын қызмет тәуелсіз сарапшылардың жеке жауапкершілігіне беріледі», — деді ол бейсенбі күні демократиялық күштер коалициясының отырысында.
«Басқаша айтқанда, бізде авторлық қадағалау, техникалық қадағалау болады. 30-40 адамның қолын жинаудың қажеті жоқ. Ол үшін басымен жауап беретін нақты сарапшылар бар. Әкімшілік және қылмыстық жауапкершілік нормалары да енгізілген», — деді Б.Сағынтаев.