«Тіркелген қылмыстардың жалпы саны 86 мыңнан асты, өткен жылдың осы мерзімімен салыстырғанда қылмыстар санының өсу динамикасы 1,8% құрады», -деді ол.
«Қылмыстар саны еліміздің 9 өңірінде өсті: Маңғыстау, Павлодар, Жамбыл, батыс Қазақстан, Шығыс Қазақстан, Оңтүстік Қазақстан, Қызылорда, Алматы және Ақтөбе облыстары».
«Қылмыстарды ашу көрсеткішінің азаюы Алматы, Шығыс Қазақстан, Жамбыл, Ақмола, Қарағанды, Павлодар облыстарында байқалды», -деді Ж. Белгібаева.
Оның айтуынша, «әйелдерге қатысты жасалған қылмыстардың саны 2,1% өсті».
«Жалпы қылмыстар құрылымында ұрлықтар саны 5,6%-ға, тонаушылықтар саны 9,2%-ға өскен, ал бопсалаушылықтар саны 5,8%-ға, қарақшылық шабуылдар 4,1%-ға, бұзақылық — 15,2%-ға кеміді», -деді өкіл.
«Сондай-ақ, қару-жарақ, оқ-дәрі, жарылғыш заттар мен жарылғыш қондырғылардың заңсыз айналымына қатысты қылмыстар саны 35,7%, есірткінің заңсыз айналымына қатысты қылмыстар саны 3,1% азайған», — деді Ж. Белгібаева.
«8 айда жалпы қылмыс жасағандар саны 50 мың адам болды, бұл былтырғы жылғыдан 2% кем», -деді Бас прокуратура өкілі.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті