Жарияланды: 230

Қазақстандық Софи Манасян Анджелина Джолимен кездесті

Қазақстандық Софи Манасян Анджелина Джолимен кездесті

АҚШ-та тұратын қазақстандық биші Софи Манасян голливуд жұлдызы Анджелина Джолимен кездесті. Жас өнер иесі Джолимен түскен суретін Insta-парақшасында жариялады, деп жазады Stan.kz.

“Құдайым-ау! Сіздердің сүйікті қыздарыңыз Софи бүгін Анджелина Джолимен бірге”, – деп жазды Манасян.

Қыздың анасы Ольганың айтуынша, бұл фото 30 қазан күні Лос-Анджелесте өткен Бүкіләлемдік Азия кинофестивалінде түсірілген, деп хабарлайды Tengrinews.kz.

Джоли аталған кинофестивальде “Сначала они убили моего отца” фильмін көрермен назарына ұсынды.

“Арнайы шақырылған қонақтарға арналған жабық кеш өтті. Софи аталған кинофестивальдің құрметті қонағы болды. Негізінде Софи Анджелинаның шығармашылығымен аса жақсы таныс емес. Бірақ ол Анджелинаға адам ретінде тамсана қарады, тәнті болды”, – деп атап өтті Софидің анасы.

Бұдан өзге, Ольга голливуд жұлдызымен суретке түсу барысын баяндап берді.

“Актриса сөзін аяқтаған соң, тез арада кетіп қалмақ болды. Сол шақта күзетшілер дәлізді босатып жатты. Көптің арасынан Софиге көзі түскен Анджелина: “Бұларыңыз не? Ол бала емес пе? Тез арада жіберіңіз оны”, – деді. Софиге жақындап: “Come on, honey. Жаныма келші, есімің кім?” – деді. Артынша Софи екеуі суретке түсті. Бұл бір естеқаларлық сәт болды”, – дейді Ольга.

Пікір қалдырыңыз

Пікір қалдыру тіркелген пайдаланушылар ғана мүмкін