Бұл туралы бүгін Астанада ҚР Табиғи монополияларды реттеу агенттігінің төрағасы Аманжол Алпысбаев мәлім етті.
«Өздеріңіз білесіздер, 2014 жылғы 1 қаңтардан бастап елдің 14 өңірінде электр энергиясының тарифі өзгерді. Бұл жоспарлы өзгерту ҚР Үкіметінің 2009 жылғы 25 наурыздағы № 392 қаулысын орындау мақсатында жүргізілді», — деп атап өтті ол.
Оның айтуынша, тарифтер барлық өңірде шамамен 1 теңге көлемінде жоғарылаған.
«Ақтөбе облысты алып қарасақ, онда электр энергиясының тарифтері 17 тиынға өзгерген. Алматы облысында 1 теңге 05 тиынға өскен», — деді А.Алпысбаев.