Жарияланды: 170

Қазгидромет үш облыста ескерту жариялады

Қазгидромет үш облыста ескерту жариялады

«Қазгидромет» РМК 4-5 қазан күндері күн райының бұзылуына байланысты еліміздің үш облысында ескерту жариялады, деп хабарлайды ҚазАқпарат.

4-5 қазан күндері түнде Қызылорда облысының кей жерлерінде ауа температурасы -3 градусқа дейін төмендейді. 4 қазанда батыстан, солтүстік-батыстан соғатын 15-20 м/с екпіндегі жел сақталады.

4 қазан күні Қостанай облысының кей жерлерінде тұман болып, 15-20 м/с жылдамдықта жел күтіледі.

4-5 қазан күндері түнде Оңтүстік Қазақстан облысында жауын-шашын болады. Таулы аймақтарда қатты жауатын жауынның соңы қарға ауысады. Солтүстік-шығыстан соққан желдің күші кей жерлерде 15-20 м/с-қа жетеді. Ауа температурасы кей жерлерде -3 градусқа дейін төмендейді. Дабылды ескертудің ықтималдылығы 90-95%.


 

Пікір қалдырыңыз

Пікір қалдыру тіркелген пайдаланушылар ғана мүмкін