Muslim.kz сайтының жазуынша, Inter Continental Hotels Group және қасиетті Мекке қаласындағы Жылжымайтын мүлік компаниясы өткен аптада осы мақсатта келісім-шартқа отырды. Олар жылдан-жылға айналымы өспесе, кемімеген діни туризмнің қажеттілігін қанағаттандыру үшін 1238 нөмірі бар қонақ үйді бірігіп тұрғызуға бел байлап отыр.
Жыл сайын 3 млн.-нан аса адам қажылығын өтеуге келетінін естеріңізге сала кеткіміз келеді. Алдағы уақытта киелі Мекке қаласының іскерлік орталығынан бой көтеретін қонақ үй қажыларға қолайлы етіп салынады.