Жарияланды: 500

Қостанай облысында пішен қорадағы өрт салдарынан үш жасар бала мерт болды

Қостанай облысы Меңдіқара ауданы Бурабай ауылында пішен қорадағы өрт салдарынан үш жасар қыз мерт болды. Бұл туралы KZ-today тілшісіне мемлекеттік өртке қарсы күрес қызметінің облыстық басқармасының баспасөз қызметінен хабарлады.

Өрт бір жеке меншік үйдің пішен қорасында шыққан. Сарапшылардың бағалауынша, оттың тұтануына балалардың сотқарлығы әсер еткен сыңайлы. Сонымен бірге, өртеніп жатқан пішен қорада бала қалды дегенді ересектер білмеген көрінеді. Өртке дейін ол жерде ойнап жүрген балалар өрт шыққанда жазадан қорқып қашып кеткен. Ал қыз баланың өртенген денесі өрттен қалған күлдің арасынан табылды. Аудандық өрт сөндіру бөлімінің қызметкерлері өрттің басқа да себептерін қарастыруда.

Пікір қалдырыңыз

Пікір қалдыру тіркелген пайдаланушылар ғана мүмкін