Облыс әкімдігі баспасөз қызметінің хабарлауынша, ветеринарлық қызмет орындары төрт шаруа қожалығында болып, қырылған малдан 8 патоморфологиялық сынама алған. Зерттеу барысында Албар бөгет ауылдық округінде қырылған жануарлардың өлексесінен пастереллез бен топалаң індеті табылмаған.
Облыстық ветеринарлық басқарма мәліметінше, малдың қырылуына жұқпайтын ауру түрткі болған көрінеді.
Мамыр айының соңында Қостанай облысының Жангелді ауданында бірнше шаруа қожалығының сиырлары жаппай қырылған-ды. Қырылған 58 бас ірі қараның дені жас мал. Сол кезде мамандар бұл оқиғаны ақбөкендердің өлімімен байланыстырған болатын