ҚР Денсаулық сақтау министрлігі қырғыз әріптестеріне обаға қарсы күресуге көмектеспек

Қазақстан Денсаулық сақтау министрлігі қырғыз әріптестеріне обаға қарсы күресуге көмектеспек.


           Ведомство баспасөз қызметінің хабарлауынша, Қырғызстан Денсаулық сақтау министрлігі жанындағы Аурудың алдын алу және мемлекеттік санэпидқадағалау департаменті директоры қазақстандық әріптестерінен обаға қарсы күресуге көмектесуді сұрады.
           Осыған орай министрлік Қырғызстанға Қазақстынның карантиндік және зооноздық инфекциялар орталығына мамандар бригадасы мен обаны зерттеуге арналған дәрі-дәрмектер жөнелтті.
           Бұрын хабарланғандай, Қырғызстанда 15 жасар бала обадан көз жұмған болатын.
           Ол Ыстық-Көлдің оңтүстік жағалауындағы Сары жаз шатқалында суыр етінен кәуап жасап жетегн көрінеді. Бұл обаның табиғи ошағы болып табылады.
           Дәрігерлер көпке дейін нақты диагноз қоя алмай әуре-сарсаңға түсті. Қазір қаза тапқан баламен байланыста болған 90 адам ауруханада жатыр.