ҚР ІІМ-нің орынбасары Курбатов Семей полициясының жұмысымен танысты
|
ҚР ІІМ-нің орынбасары Николай Курбатов Семей ішкі істер басқармасының жұмысымен танысты. Бұл туралы KZ-today тілшісіне Семей қалалық ІІБ-ның баспасөз қызметінен хабарлады. |
Баспасөз қызметінің ақпаратына сәйкес, министрдің орынбасары полиция бөлімдері мен учаскелік бөлімшелердің жұмысына баса назар аударды. Ол сондай-ақ, Семей ІІБ қызметкерлер құрамы өкілдерімен кездесті. Кездесуде ҚР құқық қорғау жүйесіндегі жаңалықтар мен жаңартулар туралы талқыланды.
ҚР ІІМ-нің орынбасары Семейдегі күш құрылымдары қызметкерлеріне арнап әскери киім тігетін "Мирас" ЖШС-ін аралады.
Бүгін, 5-наурызда Н.Курбатов Өскеменге жүріп кетті. Онда ол Шығыс Қазақстан облыстық құқық қорғау мекемелерінің 2003-жылғы жұмысын қорытындылауға арналған кеңейтілген алқа мәжілісіне қатысады.
Пікір қалдырыңыз
Пікір қалдыру тіркелген пайдаланушылар ғана мүмкін