ҚР үкімет басшысы парламент депутаттарымен жүздесіп, ауылшаруашылығын дамыту мәселесін талқылады - kaz.caravan.kz
  • $ 464.72
  • 496.32
+27 °C
Алматы
2024 Жыл
23 Маусым
  • A
  • A
  • A
  • A
  • A
  • A
ҚР үкімет басшысы  парламент депутаттарымен жүздесіп, ауылшаруашылығын дамыту мәселесін талқылады

ҚР үкімет басшысы парламент депутаттарымен жүздесіп, ауылшаруашылығын дамыту мәселесін талқылады

Бүгін ҚР үкімет басшысы Даниал Ахметов сенат депутаты Әбіш Кекілбаевты, сондай-ақ, мәжіліс депутаттары Ержан Рахметов пен Ромин Мәдиновты қабылдады. Бұл туралы KZ-today тілшісіне үкімет басшысының баспасөз қызметінен хабарлады.

  • 10 Ақпан 2004
  • 535
Фото - Caravan.kz

Кездесу барысындағы сұхбатқа ауылшаруашылығын дамыту мәселесі басты арқау болды. Д.Ахметовтың пікірінше, бұл салада озық өңдеу технологияларын қолданысқа енгізудің маңызы зор. Осы орайда астық өңдеу саласын мысалға келтірген үкімет басшысы экспортқа тек сапалы астық шығарып қана қоймай, терең өңделген астық өнімдерін шығарудың да маңызын атап өтті.

Аграрлық партияның жетекшісі, мәжіліс депутаты Р.Мәдиновтың айтуына қарағанда, елімізде астыққа байланысты ахуал оң шешімін тапты, бірақ, бұдан былай осындай «аптықпа» ахуалға жол бермеу, нан бағасының шұғыл қымбаттауына түрткі болмау бағытында шаралар ойластырған жөн.
Кездесу барысында тараптар сондай-ақ, Семей өңірі тұрғындарына медициналық жәрдем сапасын жақсарту тәрізді басқа да мәселелерді сарапқа салды.

Соңғы жаңалықтар