Қырғыздар 18 тонна үйрек етін контрабандалық жолмен алып өтпек болған

Жамбыл облысында 18 тонна үйрек етін контрабандалық жолмен алып өтпек болған екі қырғыз қолға түсті. Айыр қалпақты ағайындар заңсыз тауарды қара өріктің астына жасырып, тасымалдамақ болған.

Тек айласы жүзеге аспай, «Сыпатай» кеден бекетінен өте бергенде әшкереленді. Жалпы тауар декаларацияда өрік деп көрсетілген. Жүк көлігін қосымша тінту кезінде жасырылған құс еті шыққан. Тәркіленген қырғыздық үйрек етінің құны шамамен 40 млн. теңге.