Қырғызстан мен Қазақстан шекараны бірлесіп күзетпек

Қырғызстан мен Қазақстан мемлекеттік шекараны бірлесіп күзету және өзара ақпар алмасып отыру туралы келісті.


           Қырғызстан Шекара қызметінің хабарлауынша, «Ыстық-Көл бастамасы» отырысынан кейін екі ел шекара қызметі өкілдері кездесті.
           Кездесуде Қырғызстан мемлекеттік шекара қызметі төрағасы полковник Кұрманақын Мәтенов пен Қазақстан ҰҚК Шекара қызметі директоры Нұрлан Жоламанов екі жақты ынтымақтастық жайын талқылады.
           «Кездесу соңында тараптар қырғыз-қазақ шекарасын бірлесіп қорғау шаралары мен ақпарат алмасу туралы хаттамаға қол қойды»,- делінген хабарламада.