Қырғызстан президентінің инаугурациясы 14-тамызға белгіленді

Жуырда ғана сайланған Қырғызстан президенті Құрманбек Бакиевтің инаугурациясы 14-тамызға белгіленді. Бұл туралы бүгін, 18-шілдеде Қырғызстан вице-премьерінің міндетін атқарушы Адахан Мадумаров журналистерге хабарлады.

Инаугурация шарасы үкімет үйінің үлкен залында өтеді. Ант беру шарасына ТМД елдері, АҚШ және Қытайдан меймандар шақырылған.

Бұдан бұрын да хабарлағанымыздай, Қ.Бакиев 2005-жылдың 10-шілдесінде бүкілхалықтық сайлау нәтижесінде президент болып сайланды.