Жарияланды: 17000

Қытай елшісі ондағы қазақтар жайында: Түзеткендеріңе рахмет, бірақ бұл біздің ішкі ісіміз

Қытай елшісі ондағы қазақтар жайында: Түзеткендеріңе рахмет, бірақ бұл біздің ішкі ісіміз

Қытайдың Қазақстандағы елшісі Чжан Ханьхуэй Қытайдың ішкі ісіне араласпауды сұрады. Ол бұл туралы Шыңжаңдағы қазақтардың қысым көріп жатқанына байланысты жауабында айтқан, деп жазды КАРАВАН басылымы.

«Егер қытай төлқұжаты бар адамдарға қатысты болса, бұл Қытайдың өз ішкі ісі», - деді көрші елдің елшісі. 

Еске салсақ, БАҚ беттерінде бірнеше мәрте қытай қазақтарының қысым көріп жатқаны жайлы ақпарат тарады. Ал жуырда бұл мәселе ҚР парламентінің сенатында талқыланды.

- Компартияның ХIХ съезін өткізу қарсаңында Шыңжаңда бақылау күшейтіліп, барлық адамдарды тексеру жүргізілді. Ол тек қазақтарға ғана қатысты емес, қытайлар мен өзге ұлттарға да бақылау күшейтілді. Кейбір жерлерде құқық қорғау орындары қызметкерлері тым шектен шығып, асыра сілтеп жіберген.Біз ондай оқиғалар жайлы Пекинге мәлімет жібердік.Өйткені ол жақтағы шенділер хабарсыз болған,- деді Чжан Ханьхуэй.

Оның сөзіне қарағанда, билікке қытайға қарсы шетелдік сепаратистік, лаңкестік күштер съезд қарсаңында Шыңжаң аймағында тұрақсыздық орнатуды көздеп, шу шығармақшы деген мәлімет келіп түсіпті.Кез келген үкімет ондай кезде шара қолданады деп атап көрсетті Қытайдың Қазақстандағы елшісі.

- Ондай жағдайда біздің азаматтардың елшілікке келіп айтқаны дұрыс.Мен барлық кезде көмектесемін.Қытай ұлттарды алалау саяатын жүргізген емес, жүргізбейді де.Шыңжаңда 1,5 млн қазақ тұрады.Олар қытай ұлтының ажырамас бөлшегі.

Екінші жағынан, егер ол қытай төлқұжаты бар адамдарға қатысты болса, бұл - Қытайдың өз ішкі ісі. Егер біз қателессек ол біздің жұмысымыз. Түзеткендеріңізге рахмет, бірақ араласуға болмайды», - деді қытай елшісі.

Пікір қалдырыңыз

Пікір қалдыру тіркелген пайдаланушылар ғана мүмкін