Бұл туралы Caravan.kz медиа порталы Tengrinews.kz сайтына сілтеме жасап хабарлайды.
"Денсаулық сақтау мәселелері жөніндегі мемлекеттік комитет 31 провинциядан (аудан, орталыққа бағынышты қалалардан) 78 824 адам коронавирус жұқтырды, оның ішінде қазіргі уақытта 39 919 адам ауырып жатыр (7 952 адамның жағдайы ауыр), 36 117 адам ауруханадан шығарылды және 2 788 адам қайтыс болды деген ақпарат алды", — делінген мемлекеттік комитеттің хабарламасында.
Соңғы тәулікте Қытайда 327 адам вирус жұқтырды, ауруханадан 3622 адам шығарылды, 44 адам қайтыс болды (оның 41-і Хубей провинциясында), тағы 452 адам коронавирусқа күдікті ретінде тіркелген.
Гонконгта 93 жұқтырған адам анықталды (оның ішінде екі адам қайтыс болды, 26 адам сауығып кетті), Макаода он (оның сегізі жазылып шықты), Тайванда 3 (олардың біреуі қайтыс болды, алты адам емделді).
Дүниежүзілік денсаулық сақтау ұйымының (ДДСҰ) мәліметтері бойынша, Қытайдан тыс жерлерде коронавирус жұқтырғандар саны 46 елде 3664 адамға жетті, 57 адам қайтыс болды.
