Жарияланды: 660

Қызылорда облысының Қорғанша деген жерінде қорғаныс бөгетін су шайып кету салдарынан 700 адам басқа жаққа көшірілді

Қызылорда облысы Жалағаш ауданы Ақсу ауылында 12-ақпанда Сырдарияда мұз жиналу салдарынан су деңгейі көтеріліп, Қорғанша деген жерде қорғаныс мақсатындағы бөгетті су шайып кетті. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік мәліметіне сәйкес, соның салдарынан 1700 адамы бар 250 үй орналасқан Ақсу ауылы су астында қалу қаупі туындады. Төтенше жағдайдың зардабын жоюға 50 адам мен 4 техника жұмылдырылды. Барлығы 700 адам басқа жаққа көшірілді. Облыстағы апаттан құтқару қызметінің құрамы мен құрал-техникасы жоғары дайындық жағдайында жұмыс істеуде.

Пікір қалдырыңыз

Пікір қалдыру тіркелген пайдаланушылар ғана мүмкін