Облыстық жұқпалы аурулар ауруханасына келіп түскен 27 науқастың бактериологиялық зерттеу қортындысында «дизентерия Флекснера II-а» қоздырғышы анықталды. Аталмыш ауру су арқылы таралады.
«Қызылорда қаласы Қызылжарма ауылының тұрғындар арасында ЖЖІА-і тіркелмеуі және тек №55/47 әскери бөлімінің сарбаздары арасында орын алуы аурудың бір жерде, локалды шоғырланғаны, яғни №55/47 әскери бөлімінің ішкі су жүйесінің жағдайымен байланысты екенін көрсетеді.
№ 55/47 әскери бөлімінен 13.04.2014 жылы Қызылорда облыстық санэпидсараптама орталығымен алынған 7 су сынамасының 100 пайызында жалпы колиформды бактериялар бойынша сәкессіздігі ауыз судың сапасыз екенін көрсетті» делінген хабарламада.
Қазіргі уақытта аталған әскери бөлімнің сарбаздары дәрігерлердің бақылауында. Сондай-ақ аурудың алдын-алу мақсатында Қызылжарма ауылының тұрғындарына бактериофагтар таратылуда. Ал, әскери бөлімнің ішкі су жүйесіне 17 сәуір күні залалсыздандыру жұмыстары жүргізілді.