Жарияланды: 650

Ресей үшін Азия-Тынық мұхиты аймағындағы экономикалық ынтымақтастық ұйымы аясындағы қарым-қатынасты дамыту - тың мүмкіндіктерге, соның ішінде Сібір аймағын дамытуда үлкен мүмкіндіктерге жол ашады - РФ президенті

Ресей үшін Азия-Тынық мұхиты аймағындағы экономикалық ынтымақтастық ұйымы аясындағы қарым-қатынасты дамыту - тың мүмкіндіктерге, соның ішінде Сібір және Қиыр Шығыс аймағын дамытуда үлкен мүмкіндіктерге жол ашады. Бұл туралы РФ президенті Владимир Путин 19-21-қазанда Тайланд астанасы Бангкокте өтіп жатқан Азия-Тынық мұхиты аймағындағы экономикалық ынтымақтастық ұйымының іскерлік саммитінде атап көрсетті. Бұл туралы KZ-today тілшісіне РФ

президентінің баспасөз қызметінің хабарламасынан мәлім болды. Іскерлік саммитке қатысу - Ресей экономикасына қазірдің өзінде елеулі пайда әкеле бастады деді РФ президенті. Әлемнің көптеген елдері Ресейді сенімді әрі келешегі зор әріптес ретінде таниды. Азия-Тынық мұхиты аймағындағы экономикалық ынтымақтастық ұйымы форумының, соның ішінде оныі іскерлік бөлімінің басты мақсаты- аймақ тұрғындары үшін жаппай қолайлы жағдай жасау болмақ. Осыған байланысты В.Путин бірқатар елдердің экономикалық дамуындағы айырмашылықтарға алаңдаушылық білдірді. "Ахуалды сауықтырудың бір жолы - барлық мемлекеттер мүддесінің жүйелі тепе-теңдігі негізінде инвестициялық режимдер мен сауда-саттықты либерализациялау болмақ",- деп мәлімдеді В.Путин. Өз сөзінде РФ президенті Ресейдің Дүниежүзілік сауда ұйымына мүшелікке өтуі, өз елінің Жалпы Ішкі өнімінің мөлшерін екі есе арттыру, лаңкестікпен күрес мәселелеріне де тоқталып өтті.

Пікір қалдырыңыз

Пікір қалдыру тіркелген пайдаланушылар ғана мүмкін