Ресми мәліметке сәйкес, 21 қыркүйектен бастап Қазақстанға Ресейден келетін көліктердің саны 20 процентке көбейген.
"Осыған байланысты кейбір шекара өткізу бекеттерінде, әсіресе, Ақтөбе, Атырау, Батыс Қазақстан мен Қостанай облыстарында кептеліс байқалады", — дейді комитет мамандары.
Көші-қон қызметінің ақпаратына сәйкес, мигранттардың кіруі шекарадан бастап тіркеледі. Барлық мәлімет бірыңғай деректер базасына автоматты түрде түседі. Статистикаға сәйкес, биыл Қазақстанға 4,3 млн-ға жуық шетелдік келген. Олардың 4,1 млн-ы қайтадан кетіп қалды. Соның ішінде Ресей Федерациясының азаматтары да бар. Осы елден 1 660 000 адам келсе, 1 640 000 азамат кеткен. Уақытша қалғандардың бәрі есепке алынды.
Айта кетері, 21 қыркүйекте Ресейде Украинамен жағдайға байланысты ішінара мобилизация жарияланған болатын.