Ресейлік ғарышкер қызметін ауыстырды

Ресейлік ғарышкер Юрий Лончаков Жер бетінде қызықты жұмыс тауып, ғарышқа ұшудан бас тартты. Бұл туралы Ғарышкерлерді дайындау орталығы бастығы Сергей Крикалев хабарлады.


           «Ол маған келіп ғарыштағыдан қызықтырақ жұмыс тапқанын айтты. Арыз жазды. Шынын айтқанда, біз оған арқа сүйеп отыр едік, өйткені ол экипаж құрамына енгізілген болатын», — деді ол «Интерфакске» берген сұхбатында.
           С.Крикалевтің айтуынша, ғарышкерлер арасында ешқандай ұрыс-керіс болмаған.
           Десе де ол ғарышкердің бұдан былай қай жерде жұмыс істейтінін айтқан жоқ.
           Юрий Лончаков 1965 жылдың 4-наурызында Қазақстанда туған. Үш рет ғарышта болып қайтыпты.