Дәулет Сұлтан мен Нұрсұлтан Мизамов бар тобы Циолковский көшесіндегі үйлердің бірінің жанында мас ер адамдар зорламақ болған қызды арашалап қалды.
«Батыс» өңірлік қолбасшылығы баспасөз қызметінен түскен мәліметке қарағанда, 7 маусым күні кешкісін аталмыш топ көмекке шақырған әйелдің даусын естиді. Сол бойда оқиға орнына жеткен жауынгерлер бұзақылардың мас күйінде жәбірленушіні зорламақ болып жатқанын көреді.
Олардың біреуі шалбарын шешіп те үлгерген. Сарбаздар олардың қолынан қызды жұлып алады. Ұсталғандар Орал қалалық ішкі істер басқармасына жеткізілді.
Қырағылығы үшін аталған топ әскери бөлім басшылығымен ынталандырылды.