Алтынбек Тоқтомаматов, Қырғызстан шекара қызметінің өкілі:
-Лейтенант Бұйлашевтің басына қару тақап, қорқытпақ болған. Ол автоматты итеріп жібергенде оқ атылған. Қарнынан жараланып, жерге құлаған соң екі жақ бір-біріне қарсы оқ жаудырды.
Шекараға кейін Қырғызстан әскерін шоғырландырған. Ал қақтығысқа тәжік анклавын айналып өтетін Ақ-Сай – Тамдық жолының құрылысы себеп болса керек. Тәжік жағының арнайы жасағы сол құрылыс жұмыстарын күшпен тоқтатпақ болған көрінеді. Бірақ арты қарулы қақтығысқа ұласып, 8 сарбаз жараланған. Бішкек бұған Тәжікстан тарапын кінәлауда. Шекараны заңсыз өткенімен қатар, артиллерия пайдаланды деп отыр. Сондай-ақ әлеуметтік маңызы бар нысандарға мергендер оқ атқанын да алға тартуда. Оқиғаның анық-қанығы нақтыланғанша екі мемлекет арасындағы шекара уақытша жабылды.
Райымберді Дүйсенбиев, Қырғызстан шекара қызметі басшысының міндетін атқарушы:
-Мергендер жұмыс істеді. Осы оқиғадан бір күн бұрын ғана біз келіссөз жүргізіп, шекарадағы мәселені күш қолданбай шешетіндігімізді айтқан едік. Олар сөздерінде тұрмады.