Жарияланды: 40

ШҚО-да зейнеткердің 18 млн теңгесін ұрлап кетті

ШҚО-да зейнеткердің 18 млн теңгесін ұрлап кетті

Шығыс Қазақстан облысында зейнеткердің 18 млн теңгесін ұрлап кетті.

Бұл туралы Caravan.kz медиа порталы ҚазАқпарат-қа сілтеме жасап хабарлайды.

Риддер қаласының полиция бөліміне 65 жастағы қария арызданды. Зейнеткер үйге белгісіз біреудің кіріп, жатын бөлмедегі шкафта тұрған ақшасын ұрлап кеткенін жеткізген. Жедел әрекет еткен ШҚО ПД Криминалдық полиция басқармасының қызметкерлері бірнеше күн ішінде күдіктіні қолға түсірді.

«Анықталғандай, үй ішінде ешкімнің жоқ екеніне көз жеткізген ұры терезе арқылы кірген. Жатын бөлмедегі шкафтан шетел валютасындағы 18 млн теңгеден астам ақша салынған пакетті алып, оқиға орнына ізін суытады. Риддер қаласының 41 жастағы тұрғыны өз кінәсін мойындап отыр», - деді департамент бастығының орынбасары Талғат Шаяхметов.

Ер адам ақшаның біраз бөлігін тығып қойғанын, қалғанын өзімен бірге Өскеменге алып кеткенін айтты. Тәртіп сақшылары оның үйін тінту барысында ақшаны тапты. Күдікті ұрланған қаражаттың біразына қымбат смартфондар, киім-кешек пен алтын бұйымдар сатып алған. Қалған сома жәбірленушіге қайтарылып берілді.

Қазіргі уақытта полицейлер ҚР Қылмыстық кодексінің 188-бабы 4-бөлігі бойынша сотқа дейінгі тергеу амалдарын бастады.

 

Пікір қалдырыңыз

Пікір қалдыру тіркелген пайдаланушылар ғана мүмкін