Жарияланды: 300

Шри-Ланка Президенті Қазақстанға мемлекеттік сапармен келеді

Шри-Ланка Президенті Қазақстанға мемлекеттік сапармен келеді. Бұл туралы бүгін елордада өткен брифинг барысында ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.

«ҚР Президенті Нұрсұлтан Назарбаевтың шақыруымен алдағы аптада, яғни 19-22 қараша аралығында Шри Ланка Президенті Махинта Раджапакс мемлекеттік сапармен келетін болады»,-деді ол. Ресми өкілдің атап өтуінше, сапар барысында екі ел басшыларының саяси және сауда-экономикалық ынтымақтастық жөніндегі келіссөздері мен халықаралық саясат, энегетикалық және аймақтық қауіпсіздік мәселелері бойынша кеңінен пікір алмасулары жоспарланған. «Келіссөздер қорытындысы бойынша Астанада туризм саласындағы ынтымақтастық туралы келісім мен Қазақстан сауда-өнеркәсіп палатасы мен Цейлон ұлттық палатасы арасында өзара түсіністік туралы меморандумға қол қойылады деп күтілуде»,-деді А. Әбибуллаев.

Пікір қалдырыңыз

Пікір қалдыру тіркелген пайдаланушылар ғана мүмкін