Мекеме ақпаратына сәйкес, Катон-Қарағай ауданында, Большенарым, Солдатово, Приморское, Солоновка және Коробиха елдімекендерінде 1-шілдеде 14 және 14 сағат 15 минут аралығында жылдамдығы секундына 30 метрге жеткен қатты жел тұрып, нөсермен қоса бұршақ жауды. Оқыс оқиғаның салдарынан тұрғын үй және әкімшілік секторға материалдық шығын келді. Зардап шеккендер туралы ақпарат жоқ. Аудандық комиссия оқыс оқиғаның ауқымы мен материалдық шығын көлемін есептеуде.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті