Жарияланды: 30

Шымкентте оқушылардың неден уланғаны белгілі болды

Шымкентте оқушылардың неден уланғаны белгілі болды

Мектептен 600 метр қашықта орналасқан газ бөлуші стансадан табиғи газ шыққан.

Қоғамдық денсаулық сақтау комитетінің төрағасы Жандарбек Бекшин Шымкенттегі мектепте оқушылар мен қызметкерлердің неден уланғанын айтты, деп хабарлайды Sputnik Қазақстан тілшісі.

Шымкентте оқушылар мен мектеп қызметкерлері уланды Караван жаңалықтары - //kaz.caravan.kz/zhangalyqtar/

Еске сала кетсек, 18 наурызда Шымкенттегі № 54 мектепте оқушылар белгісіз заттан уланып, ауруханаға түскен еді. Барлығының басы айналып, жүрегі айнып, есінен танған.

Бекшиннің айтуынша, алғашқы сағаттарда 30 оқушы ауруханаға түскен, түнде тағы 9 адам жеткізіліпті.

"Бұған мектептен 600 метр қашықта орналасқан газ бөлуші қосалқы стансасында табиғи газдың шығуы себеп болған. Шымкенттің газ қызметі оны бірден тоқтатты", - деді бас санитарлық дәрігер.

Ол қосалқы станса мен мектеп аумағында бақылау зерттеулері жүргізілгеннен кейін зиянды заттар табылмағанын айтты.

Алғашқы көмек көрсетілгеннен кейін балалардың барлығы үйіне жіберілген. Енді олар тұрғылықты мекенжайы бойынша учаскелік дәрігердің бақылауында болады.

 

Пікір қалдырыңыз

Пікір қалдыру тіркелген пайдаланушылар ғана мүмкін