Жарияланды: 40

Синоптиктер Қазақстанда 33°С аяз болатынын ескертті

Синоптиктер Қазақстанда 33°С аяз болатынын ескертті

Синоптиктердің болжамынша, алдағы уақытта республиканың басым аумағында күн айтарлықтай суытады, қар жауып, бұрқасындатады.

Қазгидромет 19-21 қараша күндеріндегі ауа райына болжам жасады, деп хабарлайды Sputnik Қазақстан.

Қазгидрометтің ақпаратынша, Карск теңізінің арктикалық ауа массаларында қалыптасқан антициклон оңтүстік-батысқа қарай ығысады. Сөйтіп 21 қарашада Ресейдің еуропалық аумағындағы орталық аудандарға жетеді.

"Қазақстанға арктикалық теңізден Батыс Сібір арқылы суық ауа массасы келіп, соның әсерінен елдің басым бөлігінде күн айтарлықтай суытады. Солтүстік, орталық және шығыс облыстарда ауа температурасы -28…-33°С дейін төмендейді. Сондай-ақ, кей жерлерде қар жауып, бұрқасындатады, қатты жел соғады", - делінген хабарламада.

Бұдан бөлек, батыс, оңтүстік және оңтүстік-шығыс облыстардың кейбір аймағында қар, көктайғақ және тұман болады деп болжанып отыр. Бұл өңірлерде де күн суытады, түнде -7…-15°С, қиыр оңтүстікте -3…-8°С-қа дейін.

Пікір қалдырыңыз

Пікір қалдыру тіркелген пайдаланушылар ғана мүмкін