Жарияланды: 420

Солтүстік Кореяның зымыран ұшыруына байланысты шұғыл жиын өтеді

Солтүстік Кореяның зымыран ұшыруына байланысты шұғыл жиын өтеді

БҰҰ Қауіпсіздік кеңесі КХДР-дың кезекті зымыран ұшыруына байланысты жұма күні шұғыл кеңес үшін жиналады. Бұл туралы ТАСС-қа БҰҰ дипломатиялық дереккөзі хабарлады.

Оның ақпараты бойынша, отырыс 16 қыркүйекте Астана уақытымен сағат 01:00-де өтеді, деп жазады ҚазАқпарат.

Reuters агенттігінің хабарлауынша, шақырылымға АҚШ пен Жапония бастамашылық еткен.

Айта кетейік, КХДР жұма күні кезекті баллистикалық зымыранды ұшырды. Ол Жапонияның солтүстігіндегі Хоккайдо аралынан Тынық мұхитына қарай ұшып, Эримо мүйісінен шығысқа қарай 2,2 мың шақырым қашықтыққа құлаған.

Бұл 1998 жылдан бері КХДР-дың ұшырған зымыранының немесе оның бөлшектерінің Жапония аумағынан алтыншы рет ұшып өтуі. 

Жапония өкілдерінің пікірінше, КХДР құрлықаралық баллистикалық зымыран ұшыруы мүмкін еді, бірақ АҚШ Қарулы күштері Пхеньянның орташа қашықтықтағы баллистикалық зымыран ұшырғанын айтуда. 

Пікір қалдырыңыз

Пікір қалдыру тіркелген пайдаланушылар ғана мүмкін